Святая икона, получившая название «Троеручица», была чудесным образом обретена в XIII в. монахами Хилендарского монастыря на Афоне и с тех пор считается наместницей этой обители, покровительствуя ей и управляя всеми делами.
Тропарь, глас 4-й
Днесь всемирная радость возсия нам велия: даровася святей горе Афонстей цельбоносная Твоя, Владычице Богородице, икона, со изображением тричисленно и нераздельно пречистых рук Твоих, в прославление Святыя Троицы, созываеши бо верных и молящихся Тебе о сем познати, яко двема имаши Сына и Господа держиши, третию же яви на прибежище и покров чтущим Тя от всяких напастей и бед избавляти, да вси, притекающий к Тебе верою, приемлют неоскудно от всех зол свобождение, от врагов защищение, сего ради и мы вкупе с Афоном вопием: радуйся, Благодатная, Господь с Тобою.
Кондак, глас 8-й
Днесь веселое наста ныне Твое торжество, Богомати Пречистая, вси вернии исполнишася радости и веселия, яко сподобльшеся изрядно воспевати предивное явление честнаго образа Твоего и рождшагося от Тебе Младенца, истинна же Бога, Егоже двема рукама объемлеши, и третиею от напастей и бед нас изымаеши и избавляеши от всех зол и обстояний.
Молитва
О, Пресвятая Госпоже Владычице Богородице, велие чудо святому Иоанну Дамаскину явившая, яко веру истинную – надежду несумненную показавшему! Услыши нас, грешных, пред чудотворною Твоею иконою усердно молящихся и просящих Твоея помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбей и печалей, прости содеянныя нами грехи, исполни радости и веселия всех, чтущих святую икону Твою, да радостно воспоем и любовию прославим имя Твое, яко Ты еси от всех родов избранная и благословенная во веки веков. Аминь.
Преподобному Иоанну Дамаскину
Молитва
Преподобне отче Иоанне! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, утверждение во благих делех, больным исцеление, печальным утешение, обиженным заступление, бедствующим помощь.
Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сущу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь.
Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.
Молитвы при болезнях ног
Мученикам Антонию, Иоанну, Евстафию Виленским(Литовским)
Святым мученикам Антонию, Иоанну и Евстафию возносят молитвы при болезнях и повреждениях ног.
День памяти 14/27 апреля
Святые Антоний, Иоанн и Евстафий в XIV в. служили при дворе великого князя Литовского Ольгерда. После казни братьев их родственник принял Крещение с именем Евстафий и стал вести жизнь, согласно законам христианства. Князь отдал его на мучения и смерть, но, несмотря на то, что ноги мученика были раздроблены, с чудесной Божьей помощью он сам дошел до места казни. Потрясенный этими чудесами, князь обратился в истинную веру.
Тропарь, глас 4-й
Иже земных чести и славы отвергшеся, доблии и честнии страдальцы, веры ради крепко и мужественно муки претерпесте, на смерть себе давше за Живот всех Владыку, темже и Христос преславно столпом облачным с небес вас озари и почестьми и венцы от Престола Славы венча, со ангелы Тому предстояще, молите спастися душам нашим.
Кондак, глас 3-й
Отеческую прелесть оставльше, святии, приведостеся Христови, всем души усердием стасте мужемудренно до смерти. Темже и взясте победы почесть воистинну, о всех Владыку нашего непрестанно моляще.
Величание
Величаем вас, страстотерпцы святии, Антоние, Иоанне и Евстафие, и чтим честная страдания ваша, яже за Христа претерпели есте.
Святому праведному Симеону Верхотурскому
Святому праведному Симеону Верхотурскому возносят молитвы для избавления от болезней ног, параличей, а также заболеваний органов зрения.
День памяти 12/25 сентября
Святой Симеон жил в XVII в. и происходил из знатной дворянской семьи. Удалившись в Сибирь, праведник вел простую и благочестивую жизнь, проповедуя Слово Божие среди местного населения. Несмотря на тяжкую болезнь ног, святитель проделал путь до Сибири пешком.
Нетленные мощи святителя были обретены через 50 лет после его кончины, и очень скоро от них начали происходить чудесные исцеления.
Тропарь, глас 4-й
Днесь радуется славная страна Сибирь, обретши святыя твоя мощи внутрь себе. Архиереи, священницы и весь сонм людский, духовне веселящеся, вопием ти: о богомудре Симеоне! Избави нас, иже к тебе прибегающих, от всех бед, просяще подати всем по коегождо прошению и избавитися стране сей и граду от огненнаго запаления и поганскаго нашествия и междоусобныя брани и от всякаго зла. Темже и мы вси чтем ныне честных и многоцелебных мощей твоих обретение, новый целебниче, и вопием: слава Давшему тобою всем исцеление.
Святой Матроне Московской
Матроне Московской молятся об исцелении любых болезней, но особенно – заболеваний и повреждений ног и органов зрения. Помогает святая старица и тем, кто безуспешно пытается зачать и родить ребенка.
День памяти 9/22 ноября, 1 апреля/2 мая
Святая старица Матрона (Матрона Дмитриевна Никонова) жила в Москве в первой половине XX в. Родившаяся слепой, в 16 лет она утратила возможность ходить.
Дар прозорливости и целительства открылся у святой Матроны в детстве, и за свою жизнь она помогла огромному количеству людей, обращавшихся к ней за помощью в трудной жизненной ситуации, в бедности или болезни.
Молитва первая
О блаженная мати Матроно, услыши и приими ныне нас, грешных, молящихся тебе, навыкшая во всем житии твоем приимати и выслушивати всех страждущих и скорбящих, с верою и надеждою к твоему заступлению и помощи прибегающих, скорое поможение и чудесное исцеление всем подавающи; да не оскудеет и ныне милосердие твое к нам, недостойным, мятущимся в многосуетнем мире сем и нигдеже обретающим утешения и сострадания в скорбех душевных и помощи в болезнех телесных: исцели болезни наша, избави от искушений и мучительства диавола, страстно воюющаго, помози донести житейский свой Крест, снести вся тяготы жития и не потеряти в нем образ Божий, веру православную до конца дней наших сохранити, упование и надежду на Бога крепкую имети и нелицемерную любовь к ближним; помози нам по отшествии из жития сего достигнути Царствия Небеснаго со всеми угодившими Богу, прославляюще милосердие и благость Отца Небеснаго, в Троице славимаго, Отца и Сына и Святаго Духа, во веки веков. Аминь.
Молитва вторая
О блаженная мати Матроно, душею на небеси пред Престолом Божиим предстоящи, телом же на земли почивающи, и данною ти свыше благодатию различныя чудеса источающи. Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам вся наша согрешения, беззакония и грехопадения, имиже мы от юности нашея даже до настоящаго дне и часа согрешихом, да твоими молитвами получивше благодать и велию милость, прославим в Троице Единаго Бога, Отца и Сына и Святаго Духа, ныне и присно и во веки веков. Аминь.
Молитвы при болезнях горла и опасности удушения
