Тако рече князь великы Дмитрие Иванович своей братии русскимь княземь: «Братьеца моя милая, русские князи, гнездо есмя были едино князя великаго Ивана Данильевичя. Досюды есмя были, брате, никуды не изобижены, ни соколу, ни ястребу, ни белу кречату, ни тому псу поганому Мамаю».
Славий птица, чтобы еси выщекотала сиа два брата, два сына Вольярдовы, Андрея Полотцкаго,[Испр. К-Б половетцаго.] Дмитриа Бряньскаго, ти бо бяше сторожевыя полкы, на щите рожены, под трубами повиты[Испр. К-Б поють.] под шеломы възлелеаны, конець копия вскормлены, с востраго меча поены в Литовьской земли.
Молвяше Андрей к своему брату Дмитрею: «Сама есма два брата, дети Вольярдовы, внучата Едиментовы, правнучата Сколдимеровы. Сядемь, брате, на свои борзи комони, испиемь, брате, шеломомь своимь воды быстрого Дону, испытаемь мечи свои булатныя».18Я рече ему Дмитрей: «Брате Андрей, не пощадим живота своего за землю за Рускую и за веру крестъянъскую и за обиду великого князя Дмитрея Ивановича18[18–18 Так У, И1. К-Б пет. В И1 вместо слов землю за Рускую и за веру крестьяньскую — крестьяны.]. Уже бо, брате, стук стучить и гром гремить в славне городе Москве. То ти, брате, не стук стучить, ни гром гремит, стучить силная рать великаго князя 19Дмитрея Ивановича19,[19–19 Испр. по У. К-Б Ивана Дмитриевичя.] гремять удалцы золочеными шеломы, черлеными щиты. Седлай, брате Ондрей, свои борзи комони, а мои готови напреди твоих оседлани».
Уже бо всташа силнии ветри с моря, прилелеяша тучю велику на усть Непра, на Русскую землю. Ис тучи выступи кровавыя оболока, а из них пашють синие молньи. Быти стуку и грому велику межю Дономь и Непромь, идеть Хинела на Русскую землю. Серие волци воють, то ти были не серие волци, придоша поганые татарове, хотять проити, воюючи, взяти всю землю Русскую.
Тогда же гуси гоготаше, и лебеди крилы въсплескаша. То ти не гуси гоготаша, ни лебеди крилы въсплескаша, се бо поганый Мамай приведе вой свои на Русь.
Птици небесныя пасущеся то под синие оболока, ворони грають, галици свои речи говорять, орли восклегчють, волци грозно воють, лисици часто брешють, чають победу на поганых, а ркучи так: «Земля еси Русская, как еси была доселева за царемь за Соломоном, так буди и нынеча за княземь великим Дмитриемь Ивановичемь». Тогда же соколи и кречати, белозерские ястреби позвонять своими злачеными колоколци.
Уже бо стук стучить и гром гремить рано пред зорею. То ти не стук стучить, ни громь гремит, князь Володимер Ондреевич ведет вой свои, сторожевыя полкы к быстрому Дону, а ркучи так: «Господине князь Дмитрей, не ослабляй! Уже, господине, поганыя татарове на поля на наши наступають, а вой наши отнимають».
Тогда же князь великый Дмитрей Иванович ступи во свое златое стремя, всед на свой борзый конь, приимая копие в правую руку. Солнце ему на встоце[К-Б далее семтября 8 в среду на рожество пресвятыя Богородица.] ясно светить, путь ему поведаеть, Борис, Глеб молитву творять за сродники свои.
Тогда соколи и кречати, белозерскыя ястреби борзо за Дон перелетеша, ударишася на гуси и на лебеди. Грянуша копия харалужныя, мечи булатныя, топори легкие, щиты московъскыя, шеломы немецкие, боданы бесерменьскыя. Тогда поля костьми насеяны, кровьми полиано. Воды возпиша, весть подаваша по рожнымь землямь, за Волгу, к Железнымь вратомь, к Риму, до Черемисы, до Чяхов, до Ляхов, до Устюга поганых татар, за дышущеем моремь. Того даже было лепо[Испр. К-Б нелепо.] стару помолодитися.
Хоробрый Пересвет поскакиваеть на своемь вещемь сивце, свистомь поля перегороди, а ркучи таково слово: «Лучши бы есмя сами на свои мечи навер- глися, нежели нам от поганых положеным пасти». И рече Ослебя брату своему Пересвету: «Уже, брате, вижю раны на сердци твоемь тяжки. Уже твоей главе пасти на сырую землю, на белую ковылу моему чаду Иякову. Уже, брате, пастуси не кличють, ни трубы не трубять, толко часто ворони грають, зозгици кокують, на трупы падаючи».
Тогда же не тури возрыкають на поле Куликове на речке Непрядне, взопаша избиении от поганых князи 22великые и боляре сановные, князь Федор Романович Белозерскш и сын его князь Иван, Микула Васильевич22,[22–22 Испр. К-Б великых и боляр сановных, князя Федора Романовича Белозерскаго и сына его князя Ивана, Микула Васильевича.] Федор Мемко, Иван Сано, Михайло Вренков, Иаков Ослебятин, Пересвет чернець и иная многая дружина.
Тогда же восплакашася горко жены болярыни по своих осподарех в красне граде Москве. Восплачется жена Микулина Мария, а ркучи таково слово: «Доне, Доне, быстрый Доне, прошел еси землю Половецкую, пробил еси берези харалужныя,[Испр. К-Б хараужныя.] прилелей моего Микулу Васильевича». Восплачется жена Иванова Федосия: «Уже наша слава пониче в славне городе Москве».
Не одина мати чада изостала, и жены болярскыя мужей своих и осподарев остали, глаголюще к себе: «Уже, сестрици наши, мужей наших в животе нету, покладоша головы свои у быстрого Дону за Русскую землю, за святыя церкви, за православную веру з дивными удалци, с мужескыми сыны».
Задонщина Пространной редакции (реконструкция)
Сказание1.1 Софония иерея рязанца. Похвала великому князю Дмитрею Ивановичю и брату его князю Владимеру Андреевичю1[1.1–1 Так Печ. И1 пет. С Сказание Сафона Резанца исписана руским князем. Похвала великому князю Дмитрию Ивановичу и брату его Володимеру Ондреевичу. У Слово о великом князе Дмитрее Ивановиче и о брате его князе Владимере Андреевиче, яко победили супостата своего царя Мамая. Ж Сказание о Донском бою. Рум. № 378 Сие убо списание, изложение Софония, иерея резанца, великому князю Димитрию Ивановичю и брату его, князю Владимеру Андреевичю и всем русским князем православным и воеводам местным, и молодым людем, и всему православному крестьянству на похвалу и на память, како победи и одоле поганого царя Мамая на Дону и князи его и уланы и упаты и вся изби, супротивныя полки одоле.]
Преже восписах жалость земли Руские и прочее, от кних приводя2.[2–2 ТакУ. И1 нет.] И потом списах жалость и похвалу великому князю Дмитрию Ивановичю и брату его князю Владимеру Ондреевичу. Снидемся, братие, и друзи, сынове рустии, съставим слово к слову и возвеселим[Так У. И1 величим. С возвелим.] землю Рускую и веръжем[У возверзем. С понеже.] печаль на въсточную страну. 15Симов жребий, воздадим15[15–15 Так У. И1 в семь в жребие воздаюм. С в сем жребие воздати.] поганому Мамаю победу,[Так У, С. И1 победы.] а[Так У. И1 и.] великому князю Дмитрию Ивановичю похвалу и брату его князю Владимеру Ондреевичю, 18и рцем таково слово: «Лудчи бо нам18[18–18 Так У. И1 рци: Того лутче бо.] есть, братие, начати[Так У. И1 нача.] поведати иными[Так У. И1 инеми. С и мы.] словесы о похвальных сих[Так У, С. И1 нет.] о нынешних повестех о[Испр. И1 от. С а.] полку великого[Так У, С. И1 нет.] князя Дмитрея Ивановича и брата его князя Владимера Ондреевичя, правнука[С правнуковы. У а внуки.] святого великого князя Владимера киевскаго — начати[Испр. И1 начаша. У начаша ти. С нача.] поведати по делом 26ло былым»26.[26–26 Испр. И1 по гыбелью. У и по былинам. С былым.]
Но 27проразимся мыслию27[Так У. И1 протрезвимься мысльми. С поразился мысленными.] 28по землям28[Испр. И1 и землями. У но землями. С землями.] и помянем первых лет времена и похвалим 29вещаго Бояня29,[29–29 Испр. И1 веща боинаго. У вещаннаго боярина. С вещаго.] гораздаго гудца[Так У, С. И1 гдуца.] в Киеве. Тот Боян[Испр. И1 боюн. У боярин. С бо деи.] воскладше гораздыя своя 32персты на живыа32[32–32 C белыя руцы но злотые.] струны и пояше князем руским 33спаву, первом33[33–33 Так У. И1 славы: первую славу. С похвалу: первому.] великому князю киевскому Рюрику,[Так С. И1, У нет.] Игорю Рюриковичу,[Испр. И1 далее 2. У Бяриковичю. С последних двух слов нет.] великому князю Владимеру Святославичю[У Всеславьевичю.] киевскому,[Так У. И1 далее третьюю. С Светославычу.] великому князю Ярославу Володимеровичю. И я же помяну 38резанца Софония38[38–38 Так У. И1 Ефония ерея резанца. С Софона резанца.] 39 и восхвалю39[39–39 Так У. И1 в похвалу. С похвалим.] песньми и гуслеными и буйными[Так С. И1 буяни.] словесы и сего великого князя Дмитреа Ивановичя и брата его князя Владимера Ондреевича, правнука 41великого князя Владимера Киевского41,[41–41 Испр. И1 правнука тех князей. С правнука святого князя Володимера Киевского. У а внуки святаго великого князя Владимера Киевского.] занеже отпало мужьство их и пение[Так У. И1 далее их и.] князем руским за землю Рускую и за веру крестьянскую.
