Молитвы Ангелу-хранителю
Составитель П. Е. Михалицын, кандидат богословия, преподаватель духовной семинарии
По благословению Его Высокопреосвященства Архиепископа Харьковского и Богодуховского Онуфрия
© Книжный Клуб «Клуб Семейного Досуга», 2013
© ООО «Книжный клуб “Клуб семейного досуга”», г. Белгород, 2013
Введение
В жизни православного христианина молитва занимает одну из ключевых ролей. Молитва не только побеждает законы природы, не только является непреоборимым щитом против видимых и невидимых врагов, но удерживает даже и руку Самого Всесильного Бога, поднятую для поражения грешников (свт. Иоанн Златоуст). В древности даже уровень духовной жизни определяли по успешности молитвы. Великий молитвенник земли Русской св. праведный Иоанн Кронштадский писал о значении молитвы следующее: «Молитва – доказательство моей разумной личности, моей богообразности, залог моего будущего обожения и блаженства. Я из ничего создан; я ничто пред Богом, как ничего своего не имеющий; но я, по милости Его, есмь лице: имею разум, сердце, волю свободную и при своем разуме и свободе могу сердечным обращением к Нему постепенно увеличивать в себе Его бесконечное царствие, постепенно все больше и больше умножать в себе Его дарования, почерпать из Него, как из приснотекущего неисчерпаемого Источника, всякое благо духовное и телесное, особенно духовное. Молитва внушает мне, что я образ Божий, что при смиренном и благодарном расположении своей души пред Богом, при своей свободной воле я, бесконечно умножая духовные дары Божии, могу, таким образом, в бесконечность усовершаться и до бесконечности увеличивать мое богоподобие, мое небесное блаженство, к которому я предопределен. О! Молитва есть знак моего великого достоинства, которым почтил меня Создатель. Но она, в одно и то же время, напоминает мне о моем ничтожестве (из ничего я создан, ничего своего не имею, потому и прошу Бога о всем), как и о моем высочайшем достоинстве (я образ Божий, я обоженный, я могу другом Божиим назваться, как Авраам, отец верующих, только бы веровал я несомненно в бытие, благость и всемогущество Бога моего и уподоблялся Ему в сей жизни делами любви и милосердия)». Поэтому без молитвы, вне молитвенного общения с Господом невозможно никакое доброе дело, невозможно наше спасение и богоуподобление.
В этой книге содержатся наиболее употребляемые в обыденной жизни христианина молитвословия: акафисты, тропари, кондаки и молитвы к Пресвятой Троице, Ангелу-хранителю и особо почитаемым иконам Пресвятой Богородицы, а также акафисты, тропари, кондаки и молитвы к святым угодникам Божиим, молитвы на каждый день и в различных обстоятельствах.
Надеемся, что данное издание будет полезным самому широкому кругу читателей как бесценная возможность непосредственного соприкосновения с самим таинством веры через молитвенное обращение к Господу, Богородице и святым угодникам.
Обращение с молитвой к образу Пресвятой Троицы… преподобного Андрея Рублева
(Пресвятой Троице молятся во всех нуждах и обстоятельствах.)
Акафист Пресвятой и Животворящей Троице
Кондак 1
Предвечный Царю веков и Господи, всея твари видимыя и невидимыя Содетелю, Емуже, в Троице Святей славимому Богу, всяко колено покланяется небесных, земных и преисподних: темже и мы, яко крещеннии в Трисвятое имя Твое, аще и недостойнии, хвалебное сие дерзаем принести Тебе пение: Ты же, яко Творец, Промыслитель и Судия наш, вонми гласу раб Твоих, и не отстави милости Твоея от нас, да из глубины души выну зовем Ти: Свят, Свят, Свят еси Господи Боже наш, помилуй ны, падшее создание Твое, имене ради Святаго Твоего!
Икос 1
Архангели и Ангели, Начала и Власти, Престоли и Господствия, предстояще самому Престолу Славы Твоея, не довлеют изрещи величия совершенств Твоих: многоочитии же Херувими и шестокрилатии Серафими, закрывающе лица своя, точию с трепетом и любовию взывают друг ко другу: Свят, Свят, Свят Господь Саваоф! Нам убо, иже прах и пепел есмы, кольми паче удобее любити молчание: но, да не толиких щедрот, в создании и искуплении на нас излиянных, непамятливы явимся и неблагодарни, подражающе горнему славословию, с верою и любовию взываем:
Свят, Свят, Свят еси Господи Боже наш, неисповедимая совершенств Высоте и неизследимая таин Пучино!
Свят еси Господи Боже наш, везде сый и вся исполняяй, Единый и Тойжде вчера, днесь и во веки!
Свят еси Господи Боже наш, вся могий, нарицаяй не сущая яко сущая, низводяй даже до ада и паки возводяй!
Свят еси Господи Боже наш, испытуяй сердца и утробы человеческия, исчитаяй звезды и всем им имена нарицаяй!
Свят еси Господи Боже наш, Егоже вси путие истинны и все судьбы оправданы вкупе и вожделенны!
Свят еси Господи Боже наш, отдая грехи отцев на чада, милуяй же и награждаяй в роды родов!
Свят, Свят, Свят еси Господи Боже наш, помилуй ны, падшее создание Твое, имене ради Святаго Твоего!
Кондак 2
Видев Тя Исаиа на Престоле высоце и превознесенне, глаголаше: о окаянный аз, яко человек сый и нечисты устне имый, и Господа Саваофа видех очима моима! Егда же угль горящий, носимый от Ангела, прикоснуся устом его, чисте восхваляше Тебе Отца, и Сына, и Святаго Духа, Единаго Бога. Попали убо, о Пресвятая Троице, огнем Божества Твоего терние и наших многих беззаконий, да чистым сердцем возопием Тебе: Аллилуиа!
Икос 2
Разум неуразуменный разумети ищя великий во пророцех Моисей, глаголаше: яви мне лице Твое, да разумно вижду Тя! Ты же к нему: задняя Моя узриши, лице же Мое не явится тебе: не бо узрит человек лице Мое и жив будет. Нам же, аще и недостойным, благоволил еси явити Себе в лице Единороднаго Сына Твоего: темже благодарне вопием:
Свят, Свят, Свят еси Господи Боже наш, Серафимов пламенногорящая любы и Херувимов выну светящая премудросте!
Свят еси Господи Боже наш, Небесных Престолов превышний Царю и премирных Господствий всеистинный Господи!
Свят еси Господи Боже наш, Вышних Сил непобедимая Крепосте и Горних Властей всемогущий Властителю!
Свят еси Господи Боже наш, Архангелов всерадостное благовестие и Ангелов неумолкающая проповедь!
Свят еси Господи Боже наш, разумных Начал верховное Всеначало, и всех прочих небесных чинов державный повелителю!
Свят еси Господи Боже наш, Един имеяй безсмертие и живый во Свете неприступнем, со избранными же Твоими, яко со други, лицем к лицу беседуяй!
Свят, Свят, Свят еси Господи Боже наш, помилуй ны, падшее создание Твое, имене ради святаго Твоего!
Кондак 3
Силою неизреченнаго могущества Твоего вся содержиши, Словом неизследимыя Премудрости Твоея вся строиши, Духом уст Твоих вся живиши и радуеши, о Трисолнечне Вседетелю! Измерил еси небо дланию и землю пядию, носиши и питаеши всю тварь, вся по имени призываеши, и несть могий утаитися властительныя десницы и взора Твоего: сего ради со всеми вышними и нижними силами, со умилением припадающе, зовем Ти: Аллилуиа!
Икос 3
Имеяй всякое создание работно повелению Твоему, всюду являеши следы Промысла и неизчетных совершенств Твоих: темже невидимая Твоя и присносущную Силу и Божество, твореньми помышляема, видяще, со удивлением и радостию зовем:
Свят, Свят, Свят еси Господи Боже наш, властительный Содетелю видимых и невидимых, и любвеобильный Строителю настоящих и грядущих!
Свят еси Господи Боже наш, от четырех стихий составивый тварь и четырьми времены круг лета венчавый!
Свят еси Господи Боже наш, повелевый солнцу светити во дни, и луне со звездами просвещати нощь!
Свят еси Господи Боже наш, изводяй ветры от сокровищ, одеваяй небо облаки, и посылаяй дождь и росу в прохлаждение зноя!
Свят еси Господи Боже наш, препоясуяй холмы радостию и долы веселием, украшаяй крины сельныя и венчаяй поля класами!
Свят еси Господи Боже наш, посылаяй пищу птенцем врановым, напаяяй вся звери сельныя, и полагаяй щедроты Своя на всех делех Своих!
Свят, Свят, Свят еси Господи Боже наш, помилуй ны, падшее создание Твое, имене ради святаго Твоего!
Кондак 4
Бурю внутрь имея душепагубныя ереси, вторый Иуда, Арий безумный, отвержеся Тебе Сына Божия, Единаго от Пребожественныя Троицы быти; мы же аще и ино лице Отчее, ино Сыновнее, ино Святаго Духа глаголем: но Отчее, Сыновнее и Святаго Духа Едино Божество, равну силу, соприсносущно величество, сердцем и устны исповедуем, и яко Трисолнечным светом в купели крещения озареннии, Отцу, и Сыну, и Святому Духу, Единому Богу покланяемся, зовуще: Аллилуиа!
Икос 4
Слышавше пастырие и учителие Святыя Церкви Ария, яко лютаго зверя, вторгшася в словесное Христово стадо, и восхищающа овцы от истиннаго исповедания Православныя веры, сошедшеся в Никеи на соборе, Бога, а не тварь, Христа исповедаша, и равна Отцу Сына и Святаго Духа чтуще, громогласне возгласиша:
